Sumarsýning HRFÍ var haldin helgina 27.-28. júní sl. í reiðhöllinni í Víðidal.

Okkar hundum gekk frábærlega og voru úrslitin eftirfarandi:
Laugardagur:

Labrador retriever - dómari Svein Helgesen frá Noregi

Tíbráar Tinda Tígurinn Tumi: excellent, 3. sæti op.fl.
Tíbráar Tinda Serena Sól: excllent, 3. sæti op.fl.
Tíbráar Tinda Töfrandi Lóla: excellent

Afghan Hound - dómari Tamas Jakkel frá Ungverjalandi

Affietude King of Pride Rock: BOB, BIG 3
Affietude Hakuna Matata: excellent, 3. sæti ungl.fl.
C.I.B. ISCH Punapaulan Yasmin: BT 3

Sunnudagur:
Tíbet spaniel - dómari Christine Roussier frá Sviss

C.I.B. ISCH Tíbráar Tinda Un Bel Figo: BR 2
C.I.B. ISCH Tíbráar Tinda Tamino: BR 4, BOB öldungur
C.I.B. ISCH Toyway Ama-Ry-Lix: BOS
ISCH Perlu-Lindar Ísadóra: BT 2

Innilegar hamingjuóskir til Berglindar og Sigurðar (Perlu-Lindar ræktun) með frábæran árangur á sýningunni!
Perlu-Lindar Mikki Snær: BOB
Perlu-Lindar Frosti: BR 3

Fígó var sýndur með afkvæmum sínum og urðu þau 2. besti afkvæmahópur dagsins!
Perlu-Lindar ræktunarhópur var 4. besti ræktunarhópur dagsins! 

Mynd: Fígó ásamt afkvæmum sínum.   

Flotti Labbastrákurinn okkar hann Osku (Talimar Mallorns Storm Warning) eignaðist sitt fyrsta got á Íslandi þann 7. maí sl. 4 stelpur og 2 stráka en allir hvolparnir eru svartir.

Stolt móðir hvolpanna er Bláskóga Selja sem er í eigu Guðsteins Eyjólfssonar sem einnig er ræktandi hvolpanna.

Mynd: Osku-synir 4 vikna :)  

Vorið hefur verið erfitt fyrir okkur mennina þar sem við höfum þurft að kveðja nokkra af okkar bestu vinum.

Pabbi Tíbráar Tinda S-gotsins, Nord Ch ISCH DKCH SU(u)CH Uncle Tom of Brownback Cottage "Úlli", fékk að sofna svefninum langa rúmlega 12 og hálfs árs gamall.
Úlla verður sárt saknað.Okkar dýpstu samúðarkveðjur til Guðsteins, Margrétar og fjölskyldu.  

Elsku prinsessan okkar hún Flórens kvaddi þennan heim 6. maí sl. og er hennar sárt saknað.

Þótt Flórens hafi verið lítil dama hafði hún að geyma einn þann stærsta og skemmtilegasta persónuleika sem við höfum nokkru sinni fengið að kynnast.

Hún mun alltaf eiga risastóran stað í hjörtum okkar allra og minnumst við litlu dívunnar okkar á hverjum degi. Hvíl í friði elsku Flórens okkar...þín er sárt saknað.  

Mynd: Prinsessan okkar á páskunum ´09

Tíbráar Tinda Snerpa Sól kvaddi þennan heim í apríl sl. Snerpa Sól var yndisleg tík og átti frábæra fjölskyldu sem hugsaði svo vel um hana.

Okkar dýpstu samúðarkveðjur til Guðrúnar Olsen og fjölskyldu. Hvíl í friði elsku Snerpa Sól.  

Mynd: Snerpa Sól sem hvolpur

Alþjóðleg vorsýning HRFÍ var haldin helgina 28. febrúar til 1. mars sl. og var metþátttaka á sýningunni.

Tíbbarnir voru skráðir til leiks fyrri dag sýningarinnar undir dómaranum Seamus Oates frá Írlandi.

Úrslit voru:
INT CH ISCH Toyway Ama-Ry-Lix: BOB, tegundahópur 3. sæti
Perlu-Lindar Ísadóra: Besta tík 2, m.stig (nýr ísl.meistari), res-cacib
INT CH ISCH Tíbráar Tinda Tamino: Besti rakki 2, BOB öldungur, besti öldungur sýningar 2
INT CH ISCH Tíbráar Tinda Un Bel Figo: Besti rakki 3

Við óskum Berglindi og Sigurði hjá Perlu-Lindar ræktun innilega til hamingju með Perlu-Lindar Ísadóru og Perlu-Lindar Jökul sem var BOS og fékk sitt annað meistarastig og fyrsta cacib á sýningunni! Einnig gerðu Perlu-Lindar hvolpar, synir Fígós okkar, það gott á sýningunni og fengu báðir heiðursverðlaun!

Labradorar voru skráðir til leiks á sunnudeginum og var dómari Torunn Sörbye frá Noregi.
Úrslit voru:
Talimar Mallorns Storm Warning "Osku": Excellent, 4. sæti opinn flokkur, CK
Tíbráar Tinda Töfrandi Lóla: Excellent, 4. sæti opinn flokkur
Tíbráar Tinda Serena Sól: Excellent

Við óskum Guðsteini Eyjólfssyni, meðeiganda Osku, innilega til hamingju með Bláskóga Selju sem endaði sem BOS á sýningunni!  

Afghanar voru sýndir á sunnudeginum og var Chelsea (New INT CH ISCH Punapaulan Yasmin) BOB og í 2. sæti í tegundahópi 10! Affietude Afghanar voru einnig skráðir til leiks og stóðu sig frábærlega og fengu þau öll meistaraefni. Affietude ræktunarhópurinn var svo í 2. sæti um besta ræktunarhóp sunnudagsins!
Hamingjuóskir til Auðar Sifjar okkar með frábæran árangur!

Mynd: Auður Sif og Tíbrá BOB
Johan Fryck-Mayer

Okkar elskulega Fjóla (ISCH Nalinas Morchella De´Adonis) er 15 ára í dag!

Fjóla er fyrsti Tíbbinn okkar og var innflutt frá Svíþjóð árið 1994.

Hún hefur eignast þrjú got og gefið af sér yndisleg, falleg afkvæmi. Þau eru m.a. INT CH ISCH Tíbráar Tinda Florens, ISCH Tíbráar Tinda Baltasar, INT CH ISCH Tíbráar Tinda Tamino, ISCH Tíbráar Tinda Papageno og ISCH Tíbráar Tinda Tango for Two.

Við óskum drottningunni okkar innilega til hamingju með öll þessi ár!  

Við óskum afmælisbörnum dagsins, Finnunum okkar þeim Vikka og Tíbrá, innilega til hamingju með daginn!

Vikki er orðinn 9 ára og Tíbrá 4 ára :)

Mynd: Tíbrá afmælisstelpa  

Við óskum öllum vinum okkar, nær og fjær, gleðilegs árs!

Kóngurinn okkar, INT CH ISCH Tíbráar Tinda Tamino, er 11 ára í dag, Nýársdag. Til hamingju með afmælið elsku Tamminn okkar!